Sport | 22. sep. 2018

Rafael seinka Austevoll - igjen!

Tre spelarar frå Os toppar no skåringsstatistikken med 11 mål kvar.

Rafael seinka Austevoll - igjen!
Rafael Villén har skåra 11 seriemål til no i år, og toppar statistikken saman med to lagkameratar. Her mot Telavåg. (Foto: KVB)
Kjetil Vasby Bruarøy
Kjetil Vasby Bruarøylørdag 22. sep. 2018 16:55

Os vann i dag bortekampen mot Austevoll, som var flytta frå uvêret fredag til betre forhold laurdag.

Rafael Villén, som skåra to mål mot Austevoll både i NM-kvalifiseringa (4-0) i april og i serien i mai (6-0), gav Os 0-1 og 0-2 i 23. og 39. minutt.

Tre av fem spelarar som toppar skåringsstatistikken i avdelinga er no frå Os, etter at Rafael har klatra opp i selskap med Mats Cato Moldskred og Marius Mikkelsen.

Christoffer Hafsås ligg rett bak med 10 mål.

Austevoll - Os 0-2 (0-2)
Målskårar: Rafael Villén
Os: Chris Sunde Midtun - Alexander Dale, Vegard Skeie, Harry Moore - Martin Eidsvik, Rafael Villén, Steffen Kvamsdal, Frode Storebø, Marius Mikkelsen, Anders Havsgård og Øystein Takle Eide.
Innbytarar med speletid: Sander Kvittingen, Håkon Kvittingen og Erik Kanestrøm.

– Det var litt vanskelege forhold i dag, med mykje regn og vind, men vi kriga godt! seier Rafael.

Han takkar Øystein Takle Eide og Frode Storebø for godt forarbeid og fine, målgjevande pasningar.

– Det er kjekt å skåra mål, men dette er 4. divisjon, det skulle berre mangla at ikkje vi skåra mykje. Men akkurat i dag blei det ein litt tøff kamp.

Hafsås var med, men var sjuk og blei sitjande på benken. Både Steffen Kvamsdal og Anders Havsgård spelte frå start.

– Både Steffen og Anders hadde ein veldig god kamp, synest tomålsskåraren.

Neste helg kan bli avgjerande

Os tok tre nye poeng og leiar med 10 poeng før Lyngbø på 2. plass har spelt 18. runde, som går mot Sandviken på 3. plass. Kampen går søndag.

Om Sandviken vinn i morgon kan Os sikra opprykket allereie neste helg. Laurdag om ei veke (frå kl 15) tar Os imot Sandviken i fjerde siste kamp for sesongen.

Terminliste og tabell

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.