Råkøyring i Dalen
Mann i BMW heldt på å køyre ned barnevogn, og vil bli meldt. – Syklistar som vil hemna seg, meiner passasjer.
Laurdag formiddag fekk politiet melding om ein gul BMW som køyrde hasard i Hegglandsdalen.
- Bilen skal ha heldt på å køyra ned nokre fotgjengarar med barnevogn.
- Innringar fortel at dei vil melda saka. Vi kjem difor til å følgje den opp, fortel politioverbetjent Terje Sperrevik.
Bilføraren blei ikkje tatt laurdag.
– Heilt feil
Ein som seier han var passasjer i den aktuelle BMW-en denne dagen seier det ikkje var snakk om barnevogn eller høg fart.
– Vi stoppa ved nokre syklistar som sykla 4-5 i breidda. Vi spørte om ikkje dei heller kunne halda seg på gang- og sykkelstien, fortel han.
Innringaren rekna med det er irriterte syklistar som har meldt om villmannskøyringa for å hemna seg, og brukt barnevog for å få sympati hos politiet.
Minigris på ville vegar
Laurdag fekk politiet òg melding om ein minigris som var på rømmen i Lysefjorden.
- Der fekk etterkvart eigaren tak i grisen, avsluttar Sperrevik.