Lokal | 10. aug. 2011

Ransakingar og rusa jenter

Politirapport: To ransakingar av bustader. To tilfelle av rusa jenter i sentrum. Ein motorsyklist grisekøyrde.

Ransakingar og rusa jenter
Andris Hamreonsdag 10. aug. 2011 09:59

Tysdag ettermiddag blei ein hektisk ettermiddag for dei tilsette på lensmannskontoret.

- I 15-tida var vi ute på ei ransaking på ein bustad i Os etter mistanke om narkotikarelaterte tilhøve, fortel politiførstebetjent Audun Hadler-Olsen.

På bustaden fann politiet ei mindre mengde narkotiske tablettar.

- Ein mann i slutten av 30-åra blei gripen og kan vente seg ei oppfølging frå politiet.

Hjalp Bergen

I 20-tida var patrulja igjen ute på ransakingsoppdrag.

- Vi fekk ei oppmoding frå Bergen om å bistå i ransakinga av ein bustad på Os etter mistanke om at den som budde der hadde vore involvert i vinningskriminalitet i byen, seier Hadler-Olsen.

Politiet fann ikkje dei gjenstandane dei var ute etter.

Utagerande 13-åring

I tida mellom dei to ransakingane fekk politiet melding om ei 13 år gamal jente med utagerande oppførsel i Os sentrum.

- Det er mistanke om at jenta var påverka av rusmidlar.

- Patrulja kontakta foreldra som kom og tok hand om jenta, seier politiførstebetjenten.

Seinare på kvelden, i 22-tida, måtte politiet igjen kontakte føresette då dei fekk melding om tre jenter som hylte og skreik i sentrum.

- Også her er det mistanke om at dei tre i 16-18 årsalderen var påverka av rus. Dei føresette kom og tok hand om jentene også i denne saka, forklarar Hadler-Olsen.

Grisekøyrde på motorsykkel

Politiet fekk melding i 18-tida om at ein motorsyklist køyrde stygt i Søftelandsområdet.

- Vedkommande skal ha tatt fleire stygge forbikøyringar og dratt sykkelen opp på bakhjulet.

- Litt seinare kom det melding om at sykkelen kunne vera heimehørande i Hagavikområdet. Vi påtraff ikkje føraren, men vil følgje opp saken og ta ein prat med vedkommande, avsluttar politiførstebetjent Audun Hadler-Olsen ved Os lensmannskontor.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.