Rask vår for Marlin

Dei ti trimmingsseglasa denne våren er oppsummert, med klassevinnarar og overall-vinnar.

Kjetil Vasby Bruarøyonsdag 30. juni 2010 13:09

Etter 10 flotte regattakveldar på fjorden, der til saman 15 båtar har deltatt, står vi igjen med Tina for II som vinnar i den minste klassen, Marlin i den største og Piano på overall samanlagt, skriv regattasjef i Os Seilforening Paul Ø. Mehammer i ei pressemelding.

Sesongens siste trimmingsseglas gjekk i går, og denne blei med regn og lite vind ulik dei første ni.

Seglasen gjekk til Ospøy der regattaleiinga valte å korta ned seglasen grinna frykt for at det skulle bli heilt vindstille på returen til Strøneosen. Sigrane i denne seglasen gjekk til Hans Leganger Fjell sin Ekspress og Marlin med Hermod Opstvedt, som altså også vann samanlagt for dei raskaste båtane.

Sammenlagtliste våren 2010

Klasse: LYS t.o.m 1,20
1. Tina for II (rormann Svein Skoglund)
2. Ina Kristine (rormann Janet Lepsøy)
3. Merelle (rormann Sigbjørn Paus)

Klasse: LYS f.o.m 1,21
1. Marlin (rormann Hermod Opstvedt)
2. Piano (rormann Sverre Holm)
3. Lisa (rormann Paul Ø. Mehammer)