Lokal | 20. mai 2020

Reagerer på mann som går og filmar

To gongar på få dagar har det kome melding til politiet (oppdatert).

Reagerer på mann som går og filmar
Bjørnafjorden lensmannskontor. (Foto: Kjetil vasby Bruarøy)
Kjetil Vasby Bruarøy
Kjetil Vasby Bruarøyonsdag 20. mai 2020 07:55

Tysdag litt før klokka 12 fekk politiet melding om mistenkeleg åtferd i Hegglandsdalen.

– Ein mann gjekk og filma og tok bilde av fleire hus, hagar og byggeplassar på begge sider av vegen, fortel politioverbetjent Anne Lyssand.

Mannen blei skildra som rundt 30 år, gjekk med grå klede og hadde sekk på ryggen. Innringar hadde spurd kva han heldt på med, men han hadde gitt uttrykk for at han ikkje forsto norsk.

– For nokre dagar sidan fekk vi tilsvarande melding frå Hjelle. Vi ønskjer fleire tips om andre ser vedkomande, er vi ledige så rykker vi ut og får ein prat med han.

– Vi veit ikkje kvifor han filmar, han kan vera i uskyldig ærend. Men vi forstår at folk reagerer, og gjerne er urolege for om dette er ei form for rekognisering, seier Lyssand.

OPPDATERT: Politiet har fått opplysingar om fotografen på Hjelle, Midtsiden har fått opplysingar om fotografering i Hegglandsdalen. Den eine handlar om ein kar med fotointeresse, den andre om ein som har tatt bilde i samband med eit restaureringsprosjekt.

– Det ser med andre ord ut som om det ikkje er grunn til å uroa seg. Vi er glade for at folk er vakne, og at folk melder tilbake når vi via media ytrar uro, seier Anne Lyssand.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.