Redda mann ut av røykfull leilegheit

I 2.40-tida natt til tysdag fekk brannvesenet melding om mogleg brann i eit leilegheitsbygg i Os sentrum.

– Det er alarmanlegg i bygget og det var naboar som meldte ifrå, fortel Anne Kjersti Storebø, vakthavande ved Os brann- og redningsteneste.

Det var éin person i leilegheita. Eit røykdykkarlag tok seg inn og fekk berga mannen ut.

– Mannen blei tatt med til legevakt for sjekk. Han framsto som rusa og var lite samarbeidsvillig, fortel politioverbetjent Audun Hadler-Olsen.

Tørrkokinga hadde ikkje utvikla seg til brann, men politiet har oppretta sak etter tørrkokinga.