Sport | 10. apr. 2019

Redda poeng i tøff serieopning

Dobbel strafferedning av Kasper S. Færøvik blei avgjerande då Os 2 i kveld målte krefter i 4. divisjon.

Redda poeng i tøff serieopning
Kjetil Vasby Bruarøy
Kjetil Vasby Bruarøyonsdag 10. apr. 2019 21:32

Bildeserie:

Martin med assistent og bursdagsbarn, John Ole. (Foto: KVB)
Martin med assistent og bursdagsbarn, John Ole. (Foto: KVB)
Leia gjestane; tidlegare Os-trenar Tore Nielsen. (Foto: KVB)
Leia gjestane; tidlegare Os-trenar Tore Nielsen. (Foto: KVB)
Ny på Os 2, Knut Jordal frå Lysefjorden. (Foto: KVB)
Ny på Os 2, Knut Jordal frå Lysefjorden. (Foto: KVB)
Comeback: Erlend Sørås Storebø. (Foto: KVB)
Comeback: Erlend Sørås Storebø. (Foto: KVB)
Dagens publikum. (Foto: KVB)
Dagens publikum. (Foto: KVB)
Redning av Adrian K. Valle. (Foto: KVB)
Redning av Adrian K. Valle. (Foto: KVB)
Vegar Ludvigsen er òg tilbake på Os. (Foto: KVB)
Vegar Ludvigsen er òg tilbake på Os. (Foto: KVB)
1 av 7
Martin med assistent og bursdagsbarn, John Ole. (Foto: KVB)
Leia gjestane; tidlegare Os-trenar Tore Nielsen. (Foto: KVB)
Ny på Os 2, Knut Jordal frå Lysefjorden. (Foto: KVB)
Comeback: Erlend Sørås Storebø. (Foto: KVB)
Dagens publikum. (Foto: KVB)
Redning av Adrian K. Valle. (Foto: KVB)
Vegar Ludvigsen er òg tilbake på Os. (Foto: KVB)

Onsdag starta Os 2 serien med heimekamp mot Frøya. Os 2 rykte opp i haust, Frøya spelte mot A-laget til Os i fjor, og landa på 4. plass i avdelinga.

– Vi rekna med god motstand, og det fekk vi, men eg synest vi klarte oss bra, spesielt i banespelet, seier trenar Martin Røttingen Eidsvik.

– Sjølv om vi samla sett dominerte banespelet, var det nok Frøya som skapte flest store sjansar. Vi har skapt mykje og skåra mykje i treningskampane i vinter, men i dag var motstandar godt organisert og kjempa hardt, synest han.

Os 2 - Frøya 0-0 (0-0)
Os: Kapser Sandven Færøvik - Kristoffer Røttingen, Divaldo Cardoso, Trym Fløysand Hjørnevik, Ludvig Egge Drange - Knut Jordal, Adrian Kallekleiv Valle, Niklas Lunde Fosen, Tobias Nøss - Erlend Sørås Storebø og Vegar Solstrand Ludvigsen.
Innbytarar med speletid: Vegard Storum Hjelle, Kerem Duvarci og Marius Een Lyssand.

Motstandarlaget blir i år leia av tidlegare Os-trenar Tore Nielsen, og gjestane sette Os under press frå start.

Dei avslutta i stolpen i opningsminutta og fekk straffe etter rundt 30 minutt.

– Eg såg at han stirra i eine sida, og rekna med at han prøvde å finta meg, så eg slengte meg motsett veg, fortel Kasper, som redda, men gav retur.

Returen førte til nytt stolpeskot, som gjekk i tverrligger og ned. Så kom nytt skot, frå rundt 5 meter, som Kasper redda. Returen fekk Cardoso klarert.

(Artikkelen held fram under videoen)

Kasper Færøvik redning Os 2-Frøya 2019 from Midtsiden on Vimeo.

Fleire comeback

Os 2 står utan tap etter tre målrike treningskampar. Først slo dei Øystese 9-2, så blei det 2-2 i ein sterk kamp mot Bergen Nord, som tapte KM-finalen mot Os sitt A-lag i haust, før generalprøven mot Osterøy, som endte 4-4.

– Vi har hatt ein god treningsvinter, og eg gler meg spesielt over fleire comeback, som Vegar Ludvigsen, Adrian Valle og Dibaldo Cardoso, og over å sjå kor god form Erlend Sørås Storebø har kome i.

– Det er ein del år sidan han satsa, men eg spelte litt med han på Søfteland og synest han har mange gode kvalitetar. Då eg tok kontakt takka han heldigvis ja, og eg trur ikkje han har vore i betre form enn det han er no, seier Eidsvik.

Os 2 sin neste kamp er borte mot Varegg, som rykte ned frå 3. divisjon i fjor, og som A-laget til Os i mars slo 2-0 i ein noko svak treningskamp.

Terminliste og tabell (fotball.no)

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.