– Reddar dette eitt liv er vi nøgd
VIDEO: Sleppte bil frå 23 meter, tilsvarande 70 km/t. Nødetatane demonstrerte kva som skjer i ein kollisjon og på skadestaden.
Bildeserie:
Onsdag inviterte nødetatane russ og elevar ved dei vidaregåande skulane i Os til demonstrasjon ved beredskapssenteret på Moberg.
– Vi har gjort det éin gong tidlegare på Os vidaregåande skule. Håpet er at vi kan la dette bli eit årleg arrangement for dei unge sjåførane.
– Om dette arrangementet gjer at vi hindrar ei ulukke i dei fine mai-dagane har vi gjort ein kjempejobb, fortalde brannsjef Stein Gjøsund før arrangementet.
Brannvesenet kom då rett frå trafikkulukka på Ulven kor ein moped og ein bil kolliderte.
– Handlar om haldningar
Med seg hadde brannsjefen fått politiet, ambulansetenesta og Statens Vegvesen for visa kva som skjer i ein kollisjon i 70 km/t.
– Vi kjem no til å heisa russebilen opp til 23 meter over bakken før vi slepp den.
– Deretter skal de få sjå korleis naudetatane jobbar på skadestaden og kva de som kan vera dei første som kjem på plassen kan og bør gjera.
– Det handlar om å sikra plassen, så ikkje ulukka blir større, å få oversikt og varsla, forklarte brannsjefen.
Med eit brak smalt "Jägerbombs", ein av russebilane som rulla på osvegane i fjor i bakken. Fronten blei tørkt godt inn og "sjåføren" som sat inni måtte frigjerast.
Sjå video, 3:14, av korleis redningsarbeidet gjekk føre seg (foto: Andris Hamre, Midtsiden.no)