Redusert trafikkflyt på Hatvikvegen

Frå 14.30-tida har det vore redusert flyt i trafikken på Hatvikvegen nær Os sentrum, retning Hatvik.

Politi og legevakt har rykt ut, og bilane blokkerte det eine køyrefeltet.

Politiet ser ut til å bistå lege med ein pasient på fortauet.

– Vi er på eit helseoppdrag, stadfestar politioverbetjent Christine Grindstein.

Oppdatert: Bilane blei flytta og vegen opna klokka 14.40. Men fleire utrykkingar, blant anna av ambulanse, kan ha påverka trafikken også etter dette. Også luftambulanse har kome til området, utan at vi veit sikkert om det er knytt til same aksjon.