Regn og stengt veg i dag - sol og minusgradar neste helg

Det er meldt mykje nedbør i Os i dag, søndag, og Os kommune melder at dei stengte Ole Bulls veg klokka 11 i dag.

– Det er uvisst kor lenge vegen blir stengt. Situasjonen blir vurdert fortløpande, skriv kommunen.

Både Yr og Storm melder regn til klokka 19 søndag kveld.

Storm melder regn også utover kvelden og heile måndag, mens Yr melder opphaldsvêr og sol i morgon.

Tysdag skal det regna på formiddagen, men letta på kvelden. Seinare i veka er det meldt vekslande vêr, med opphaldsvêr onsdag og regn torsdag.

Neste helg ser førebels ut til å bli solrik og kald. Natt til søndag er det meldt 1 minusgrad, og søndagen om ei veke er venta å bli skyfri.