Rekordtidleg opning

Det er ikkje alle som gremmast over ein rekordmild vinter uten særleg is og snø. På Bjørnefjorden golfklubb gledar dei seg over å kunne opna banen med sommargreenar allereie fredag klokka 15.

– Det er heilt fantastisk.

– Dette må vera rekord for Bjørnefjorden. Eg kan iallefall ikkje hugse så tidleg opning i mi tid som golfspelar, seier dagleg leiar, Eivind Hodneland, som har sikra seg plass i den første ballen som går ut fredag.

Gjødsla gjennom vinteren

Heller ikkje headgreenkeepar Per Ove Bahus Lysvold har vore med på tilsvarande.

– Eg ville jo halde igjen til seinare på våren, men det ville eg har gjort om vi var i juni òg.

– Du veit, eg som har ansvaret for banen og greenane vil jo at alt skal vera perfekt og likt over heile banen.

– Eg må minna meg sjølv på at det er ikkje for mi eiga fryd over graset eg held på, men at dei som bruker banen skal få kosa seg og spela golf.

– Dei smila og tilbakemeldingane eg får på at banen er i god stand er nok til å gleda, smiler grasmeisteren som så tidleg i sesongen har klypt graset til 6 mm lengde. Seinare i sommar skal det ned til 3,8 mm.

– Korleis har de fått det til?

– Det er vekst i graset. Faktisk tek graset til seg næring gjennom heile vinteren.

– Difor gjødslar vi òg om vinteren. Eg hadde ei runde i veka før jul og ei ny i februar for å gje den naudsynt næring.

– Når vi i tillegg har hatt ein vinter som i år, som har fart så fint med banen så der det ikkje noko problem.

Tre mann på 150 000 kvm

Bahus Lysvold er utdanna som greenkeepar og brenn litt ekstra for gras, men også resten av speleflaten treng pleie.

– I sommarsesongen har eg med med Bjørn Bergstø og Oddvar Svendal til å halde alt vedlike.

– Totalt er det omlag 150 000 kvaderatmeter med fairway, greenar, ruff, bunkers og kantsoner som skal pleiast.

– Sjølv eit område som haugen der bort, som skal vera mest mogleg naturleg, treng pleie for å sjå bra ut og vera spelbar, forklarar Bahus Lysvold og peikar på knausen mellom utslaget og greenen på hol 9.