Ribba BMW

Natt til laurdag blei ein bil loppa for både framsete og baksete.

Kjetil Vasby Bruarøymandag 19. apr. 2010 08:39

Ein bil som står parkert utanfor bilverkstaden Thuen & Matre blei i helga ribba for sete.

- Fredag hadde vi tilsette som jobba overtid ganske seint, så det må ha skjedd om natta eller tidleg om morgonen, fortel mekanikaren som laurdag oppdaga tjuveriet.

Tjuven tok seg inn i bilen ved å knusa ei siderute. Både baksete og begge framseta er fjerna.

- Dette er kjedeleg, både for oss og kunden. Utruleg synd at ikkje ting får stå i fred. Heilt nye bilar er det svært sjeldan dei prøver seg på, litt eldre er dessverre veldig utsett.

- Her var det tydelegvis nokon som var på jakt etter nokre fine skinnsete, men ikkje ville betala for dei, seier innehavar av verkstaden, Jarle Matre.