Lokal | 16. mai 2012
Robba hus på Steinneset
Politiet ber om tips etter innbrot og omfattande tjuveri frå ein bustad på Steinneset.
Kjetil Vasby Bruarøyonsdag 16. mai 2012 16:49
Ein bustad på Steinneset, nær Os sentrum, er utsett for innbrot og tjuveri.
– Eigar har vore vekke frå søndag til i 14.30-tida i dag, fortel politioverbetjent Terje Sperrevik.
No håper politiet at nokon har sett noko som kan ha med innbrotet å gjera.
– Den eller dei som har vore inne i huset har romstert mykje rundt og blant anna tatt med seg ein eller fleire pc-ar og ein del sølvtøy.
Tips kan rettast til politiet på 480 02 480 eller 02800.