Rock N LOL 50 % opp

Bildeserie:

1 av 10

• Med 1400 gjestar fredag låg det an til høgare besøkstal enn dei 2500 (2000 + 500 som kom inn gratis) i fjor. Og sånn blei det, 1500 gjestar laurdag gjorde at samla tal, utanom dei som kom inn gratis, var 2900.

• Tar vi med familiedagen på festivalen og 500 gratispassasjerar har besøkstalet auka frå 3000 til 4500 frå 2011 til 2012!

• På festivalcampen Drus Kæmp var det heile 72 telt. I tillegg kom 10-20 partytelt, fleire av dei med ganske grove dimensjonar.

Festivalen starta i år med knallvêr, og over 25 varmegradar og sol fredag blei følgt opp med regn natt til laurdag og laurdag morgon, men opphaldsvêr og varmt både på dagtid og om kvelden fram til rundt 21.30.

Under skyene leverte banda, frå Abstractium frå Os, som serverte oss ei flunkande ny låt, til gladmusikk med 8 mann-sterke Herr Nilsson, Samsaya, som fekk damene til å flokka seg framfor scenen og Jens Erik Aasmundseth sitt nye band The Beauty, som fekk ekstremt varm velkomst.

Audrey Horne var tilbake i år, og dei var det tydeleg at mange hadde sikta seg inn på. Så kom "heksene" i Deathcrush, brutale Kvelertak, The Megaphonic Thrift, som fekk alarmen til å gå på bilar på parkeringsplassen - og til slutt Datarock, som avslutta i regn i 2010, men som i kveld fekk det til å letta på fleire måtar.

Folk kom joggande opp frå Drus Kæmp for å få med seg gjengen i dei raude joggedressane.

Midtsiden kjem tilbake med video og meir om festivalen.

Midtsiden samleside: Søfteland Rock N LOL