Rock N LoL for småtroll

I 2010 spelte ILA Auto på dagtid under Rock N LoL, i fjor var det ORBO & The Longshots som heldt konsert for ungar og småbarnsfamiliar på garden til Olav Valle.

Sjå bildeserie og video frå familiedagen i 2011.

Laurdag 7. juli er det igjen tid for eit familievenleg innslag på rockefestivalen på Søfteland og då er det Datarock, med musikarane med dei raude kjeledressane, som har laga musikk til mange av verdas mest kjente playstationspel - og Samsaya, kjent frå både VG-lista og Det store korslaget, som speler gratis for dei yngste.

– Ein oase av kos

– Familiefesten er den kjekkaste delen av festivalen, og heilt sidan start har vi vore heldige og fått utruleg velvilje ho artistane vi har invitert til også å spela for ungane, seier festivalsjef Andreas Lindborg.

På kveldstid er det som vanleg også ope for ungdom under 18 år, i eigne delar av festivalområdet fram til scenen. Men familiefestivalen er noko anna.

– Det er som ein oase av kos midt i ein elles veldig kjekk, men meir hektisk festival for oss arrangørar.

Grilling og luftgitar

– På familiefestivalen har vi grilling, kasting av våt svamp, som oftast på meg, og konsertar. Vi har også hatt kurs og konkurranse i det å spela luftgitar, der tar jo ungane heilt av, ler Andreas.

Sjølv har han få konsertminne frå då han var ung. No gler han seg på vegne av ungane.

– Det er nok ikkje så mange ungar i barnehage- og barneskulealder som går ofte på konsert. At dei kan koma på gratiskonsert med denne typen artistar, på ein bondegard på Søfteland, er nok ganske spesielt.

– Det skal bli kjekt å sjå dagens ungar veksa opp som konsert- og festivalpublikum, dei kjem nok til å setja ekstra stor pris på god musikk, trur Lindborg.

Fem andre band er klare

Rett før påske sleppte Søfteland dei tre første banda, Datarock inkludert, helga etter påske kom dei neste tre.

Her er alle dei sju banda som til no er offentleggjort:

Audrey Horne: Bergensband med osingen Torkjell "Toschie" Rød i spissen. Spelte til på Søfteland til stormande jubel i 2010.

El Caco: Betyr "tjuven" på spansk. Bandet er ikkje spansk, men består av ein gjeng musikarar frå Lillestrøm. Bandet blei stifta for 14 år sidan og har gjeve ut seks album. Dei kjem til Søfteland for første gong i år.

Enslaved: Av mange blir sett på som eit av dei aller viktigaste norske metalbanda, danna på Sveio i 1991. Bandet har vunne fire spellemannsprisar, blitt nominert til yttarlegare to, og har gjeve ut elleve studioalbum.

Datarock: Starta karrieren sin for 11 år sidan. Har DATAROCK spelt over 800 konserter i 35 land på heile 5 kontinent. er det bandet i verda (!) med låtar i flest marknadsleiande videospel, vi nemner blant anna Fifa '10, Sims 3, Need For Speed og gigantiske iPad- & iPod-spel som Tap Tap Radiation og Tap Tap Revenge 3.

John Olav Nilsen & Gjengen: Spelte sin første konsert utandørs nokosinne då dei gjekk på scenen på Søfteland i 2009. Etterpå har det tatt av, med gullplate og spellemannspris, no kjem dei tilbake med fersk EP i baklomma!

Ribozyme: Danna i 1998, gav i februar gav ut sitt femte album, kritikarroste Presenting the Problem. Har vore på turné med El Caco, i sommar ser du dei etterkvarandre på Søfteland.

Samsaya: Fødd i India, vaks opp i Noreg, byrja å skriva låter som 16-åring og har gjeve oss hiits som ADHD (Love Me Not)”, “Change”, “Money” og “The Good with the Bad”. Samsaya er også kjent for hennar to låter på haustens Knerten-album, i filmen hadde ho rolla som ”Karoline”. I mai kjem ho med albumet ”Stereotype”.

Midtsiden samleside: Søfteland Rock N LoL