Bildeserie:
Dei to ro-talenta frå Os har denne helga vore med i nordisk meisterskap for juniorar i Sorø i Danmark.
Laurdag blei Arne Hadler-Olsen nordisk meister saman med Adrian Lindgren frå Tønsberg i dobbelsculler.
Sundag sat Arne og Mattias i den norske åtteren.
– Den norske båten gjekk hardt ut og leia inntil det var 30 meter att. Danmark vann med 0,6 sekund på den superraske tida 5.52.88.
– Noreg kom inn på 5.53.43, fortel rotrenar Audun Hadler-Olsen.
Sverige tok tredjeplassen nesten 11 sekund bak Noreg.
– Gutane er nøgd med eigen innsats, men synest det er bittert at gullet glapp på slutten.
God norsk laurdag
Trenaren fortel om ein god norsk dag på laurdagen.
– Noreg tok fire av fem gull, noko som er historisk.
– Arne og Adrian sitt gull fekk dei etter eit fantastisk løp. Dei låg i front heile vegen, og klarte å halde unna for danskene som kom fort på slutten, oppsummerer Audun Hadler-Olsen.