Rolls-Royce vurderer å selja
For to år sidan blei fabrikkbygget i Os selt, no kan også produksjonen av styremaskinene få ny eigar.
I oktober 2014 kom avgjerda om lokalisering, av fire alternativ valte Rolls-Royce å flytta produksjonen av styremaskinene frå Os slik at det blir samlokalisering i Brattvåg.
I november 2015 blei det halde synkroniserte allmøte på Rolls-Royce Hagavik og Os Maskinering AS, då Os Maskinering kjøpte fabrikken, overtok fleire tilsette og auka produksjonen for sin eldste kunde.
I ei pressemelding tysdag fortel Rolls-Royce Marine AS at dei vurderer å selja verksemda for styremaskiner.
40 tilsette i Os
Rundt 100 tilsette blir påverka av eit eventuelt sal.
- Det er snakk om rundt 60 tilsette i Brattvåg, og rundt 40 tilsette i Hagavik i Os kommune, seier kommunikasjonssjef Anette Bonnevie Wollebæk i Rolls-Royce til Sunnmørsposten.
Overtaking kan skje tidlegast i utgangen av første kvartal 2018.
Betre fokus
Ifølgje smp.no er det to tilbod som ligg i bordet; det eine er eit sokalla «management buyout», der tilsette kjøper ut verksemda, kven som har det andre bodet er ukjent.
- Vi trur at ein ny eigar vil kunna gje denne verksemda betre fokus og bli ein god samarbeidspartnar for oss, seier Wollebæk til Sunnmørsposten.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.