Lokal | 28. des. 2018

Romjulsprat med Linda Andersen

Får Elvis koma på middag? Kunne ho tenkt seg ein annan jobb? Og les om hennar effektive måte å lesa ei bok på.

Romjulsprat med Linda Andersen
Dronninga av bygrenso er dagens gjest i Romjulspraten. (Foto: Kjetil Osablod Grønvigh)
Kjetil Osablod Grønvigh
Kjetil Osablod Grønvighfredag 28. des. 2018 09:37

Vi har hatt ein prat med eit knippe kjente ansikt i Os, basert på formatet på «Fredagsportrettet», som var fast spalte på Midtsiden for 15 år sidan. Gjennom romjula byr vi på nye intervjuobjekt kvar dag. Dronninga av bygrenso, Linda Andersen er er dagens gjest.

Om Midtsiden spanderte reisa, kor ville du tatt turen (ein stad du ikkje har vore før)?

– New Orleans - utan tvil. Her har du musikk og historie hand i hand.

Gje 100.000 kroner til veldedig formål. Kven får pengane?

– Kirkens Bymisjon si avdeling i Bergen. Då veit eg at pengane kjem tilgode i nærleiken.

Du skal vera éin månad åleine på ei aude øy. Det kjem forsyningar med mat og vatn, kva tre ting tar du med?

– Telefonen får ikkje vera med. ha-ha-ha!!! Men ei god, bok, blyant, viskelær og kryssord, så er er eg nøgd.

Kva er det finaste bygget i Os?

– Det må jo vera det flotte i huset i Postevegen i sentrum, det med tårn på. (Walle-familien sitt hus.)

Kva veg skal dorullen henga, med papiret ut frå veggen eller nærmast veggen?

– Ut frå veggen. Og heng den feil veg ein stad eg kjem til å gå fleire gonger, kjem eg til å snu den. Vêr du sikker!

Inviter tre kjendisar til middag. Kven får koma?

– Elvis. Overraskande nok ikkje for at han skal spela, men berre for å sjå på han. Og så ville eg hatt Kim Larsen på middag - eg ville ha snakka mykje med han, eg trur han var ein interessant person. Og til slutt ville eg ha toppa det med Christer Sjögren (han frå Vikingarna). Tenk deg det musikalske resultatet om dei tok eit par låtar utpå kvelden!

Kven ser du opp til?

– Det er faktisk ganske mange eg ser opp til, og let meg inspirera av, men eg må seia mamma. Ho lev ikkje lenger no, men ho var min helt og mitt forbilde.

Kor tid blei du sist sint, og kvifor?

– Ha-ha! Det var jo no nettopp, når journalisten til dette intervjuet ringte 4 minutt for seint. Eg er ei travel dame, og likar nøyaktigheit.

Kor tid var du fysisk mest utmatta?

– Det var førre fredag då vi runda av sesongen på Er-An. Eg har ikkje tal på kor mange timar det har vorte dei vekene, men på fredag var eg sleten og klar for ferie.

Om du skulle hatt eit anna yrke, kva skulle det vore?

– Rart du spør; eg var ute og gjekk ein tur med Mia (Fimreite) før idag, og då diskuterte vi nettopp dette. Eg kunne tenkt meg å vera arkeolog, eg. Tenk så spanande å grava og finne ut av ting.

Kva musikar eller band ville du helst gått på konsert med?

– Det er ikkje lett å svara på. Eg har sett og høyrt så mange band og artistar opp gjennom åra, men eg skulle ein gong å sjå Christer Sjögren, men noko kom i vegen, så den konserten kunne eg tenkt å få oppleva.

Kva bok las du sist?

– No skal du få høyra noko litt løye; eg plar lesa baksida (vaskeseddelen), så les eg byrjinga og så les eg slutten - og vipps, så har eg ho! Ha-ha! Om eg framleis stussar litt, les eg litt her og der i midten. Effektivt som berre det!

– Siste boka eg las - på denne måten - var «Hele Livet På En Dag» av Alyson Richman.

Anbefal ein god film eller serie

– Eg er nok ikkje den store tv-tittaren eller serie-sjåaren, men gje meg noko i sjangeren «Herskap Og Tjenere», eller «Tatt Av Vinden», så har du meg. Eit stort, historisk drama med flotte kostymer, hestar og heile pakka er noko eg kan sjå på.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.