Lokal | 26. des. 2018

Romjulsprat med Tove Hille

Kor vil ho reisa? Kven vil ho gå på konsert med? Kva tek ho med til ei øde øy?

Romjulsprat med Tove Hille
Tove Hille om tunge skiturar, Hekla Stålstrenga og ein film frå 1971. (Foto: Kjetil Osablod Grønvigh)
Kjetil Osablod Grønvigh
Kjetil Osablod Grønvighonsdag 26. des. 2018 09:39

Vi har hatt ein prat med eit knippe kjente ansikt i Os, basert på formatet på «Fredagsportrettet», som var fast spalte på Midtsiden for 15 år sidan. Gjennom romjula byr vi på nye intervjuobjekt kvar dag. Leiar i Os Frivilligsentral og eldsjel-deluxe, Tove Hille er dagens gjest.

Om Midtsiden spanderte reisa, kor ville du tatt turen (ein stad du ikkje har vore før)?

– Andøya. Naturen og fjella der skal visstnok vera heilt fantastisk.

Etterkvart kjem det fram at - via ei lang historie om eit foredrag om kunst, drivved og Ravneberghaugen - Tove nyleg har ordna seg tur til Andøya - med gratis opphald.

Gje 100.000 kroner til veldedig formål. Kven får pengane?

– Kirkens Bymisjon. Der vert det gjort mykje godt og viktig arbeid. Eg fekk verkeleg innsyn i arbeidet deira under årets TV-aksjon. (Tove er leiar for TV-aksjonen i Os).

Du skal vera éin månad åleine på ei aude øy. Det kjem forsyningar med mat og vatn, kva tre ting tar du med?

– Solkrem, for det er vel ei sydhavsøy eg skal til? I tillegg tek eg med gode bøker og ei verktøykasse.

Kva er det finaste bygget i Os?

– Det er jo her som eg sit kvar dag - det gamle kommunehuset på Kyrkjeflaten.

Kva veg skal dorullen henga, med papiret ut frå veggen eller nærmast veggen?

– Ut frå veggen. Sjølvsagt.

Inviter tre kjendisar til middag. Kven får koma?

Leif Juster, Kong Harald og Dronning Sonja. Det vert eit fint selskap.

Kven ser du opp til?

– Positive og ærlege menneske. Det er det beste du kan be om.

Kor tid blei du sist sint, og kvifor?

– I førre veke. Då sat eg og venta på folk som ikkje kom. Eg er oppteken av nøyaktigheit, og eg er ikkje god på avtalar som vert brotne.

Kor tid var du fysisk mest utmatta?

– Eg var på ein skitur til Hardangerjøkulen for to år sidan. Det var heilt grusomt opp - men det skal seiast at gjekk susande ned att. Eg kom først ned!

Om du skulle hatt eit anna yrke, kva skulle det vore?

– Noko innan kunsthandtverk som involverte kreative prosessar.

Kva musikar eller band ville du helst gått på konsert med?

– Hekla Stålstrenga. Og ja; eg har skaffa meg billett til konserten deira i Oseana til våren.

Kva bok las du sist?

«Tusen Strålende Soler» av Khaled Hosseini.

Anbefal ein god film eller serie

– «Brother Sun, Sister Moon». Såg den i 1971 og den er framleis ein favoritt. Ein annan film som har gjort stort inntrykk på meg, er «Frans av Assisi». Etter å ha sett den måtte eg berre dra dit kor filmen var spelt inn. Dette var òg på 70-talet, så då var det berre å setja seg på toget og dra til Italia. Vel framme besøkte eg byen Asissi, fekk sett dei raude valmueengene og gjenopplevde heile historia.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.