Rosa Zumba og Vennebyen

Laurdag opna Osmessa i Nore Neset Aktivitetshus med rekordmange utstillarar i hallen og utanfor.

I følgje rapportane Midtsiden har fått er arrangørane godt nøgd også med besøket laurdag og håpar på at mange tek vegen innom når messa også på sundag.

Laurdag blei Liafjellet Opp arrangert med heile 99 deltakarar. På programmet sundag står Rosa sløyfe Zumba på programmet som den fysiske utskeiinga.

Vennebyen kjem

For dei minste messegjestane kjem Vennebyen kjend frå barne-TV på besøk for å laga show og overraskingar for dei små. I tillegg blir det moglegheit for riding, laserskyting og kurs i maling.

For dei litt eldre stilles det ut både tøffe bilar og kule to-hjulingar på plassen framfor aktivitetshuset.

Foredrag med Jarle Trå

Eventyraren Jarle Trå kjem til Symrasalen for å fortelje om sine ekspedisjonar til Everest, Kilimanjaro, Elbrus og Svalbard for å nemne nokre.

- Eg kjem til å vise bilete og fortelje litt om dei turane eg har vore på, fortel Trå om foredraget.

Har du ein liten eventyrar i magen tilbyr trå organiserte turar til fleire stader i verda.

Messa er open frå 11 til 16.