Rulleski og Go-Cart

For fjerde gong arrangerar MX Sport sport og friluftsmessa Fritt & Vilt i Grieghallen. Då messa skulle opne fredag klokka 12 sto det kø frå inngangen, langs og rundt store delar av Grieghallen og ut i Nygårdsgaten.

- Dei føste skal visst nok ha stilt seg opp allereie klokka seks om morgonen, fortel medeigar og -arrangør Jan Frode Skeie.

Brannshow og swingklubb

Laurdag blir det mellomanna show med Brannspelerane og Os Swingklubb.

- Eg reknar med det blir bra trøkk når dei kjem.

- Men det som skjer sundagen tykkjer eg er like spennande, seier Skeie.

Lær rulleski av Terje Langli

Med på messa har han fått One Way, forhandlar av rulleski og -utstyr. Ein av karane der er tidlegare landslagsløpar Terje Langli.

- På sundag kjem Terje til å halde ein demo/veiledningsøkt på plassen utanfor for alle som har lyst til å prøve seg.

- Kva er det du kjem til å lære bort?

- Det viktigaste er å tenkje mest muleg vinter, nemleg å nytte den same teknikken som du då nyttar.

- Ellers kjem vi til å gå gjennom det mest grunnleggande som mellomanna det å ploge og stoppa, forklarar det tidlegare skiesset.

Langli fortel at rulleskigåing også blant trimmarar har nærmast eksplodert dei siste 4-5 åra.

- Tidlegare var det berre vi som dreiv aktivt som nytta rulleski. Når hyttenaboen i fjor kjøpt seg rulleski skjønte eg at no var det blitt ein idrett for alle. Han har eg nemleg aldri tidlegare sett på ski korkje om sommaren eller vinteren, smiler Langli.

Køyr Go-Cart med Henning Solberg

Laurdag kveld ruller ein diger trailer med utstyr inn på plassen framfor Grieghallen for å førebu ei fartsfylt oppleving for motorinteresserte gutar og jenter i alle aldre.

- Det er Henning Solberg som kjem med Go-Carts som publikum kan få teste på sundagen, seier Ove Hjelle i Navigare, ein av dei andre leverandørane Skeie har henta til messa.

- Henning kjem til å vera med å køyre litt, i tillegg til å signere køyredressar og ta bilete saman med dei besøkande.