Lokal | 23. apr. 2009

Russetid!

I natt startar russetida, og presidentane på Os er klare for fest.

Russetid!
Kjetil Vasby Bruarøy
Kjetil Vasby Bruarøytorsdag 23. apr. 2009 13:58

Fredag er det offisiell start på russetida, med trafikkseminar i Grieghallen, rebusløp og fest på travbanen natt til laurdag. Men russen startar feiringa allereie i kveld.

- Det blir tjuvstart natt til fredag med fest på Fanafjellet. Då kjem også russ frå Bergen, seier russepresident på Os vgs. John Ole Johannessen.

Nesten 15 bilar
På Os vidaregåande skule er det 4-5 russebilar, på Os Gymnas nesten 10.

- Det blir nok god oppslutnad om russefeiringa, og eg trur dei fleste blir med på treff i Kongeparken helga 8. til 10. mai, seier gymnaspresidenten Marcus Dalland.

Prøvefri
Etter nokre veker med mange heildagsprøvar er det mange elevar som no er klare for fest. Men alle kan ikkje feira russetida like hardt.

- Vi har fri frå prøve dagane rundt russearrangement, men på gymnaset ser det litt verre ut, ler John Ole.

- Tysdag skal vi ha dåp, onsdag er det heildagsprøve, men det går fint, påstår Marcus.

- Men etter onsdag er det ikkje noko særleg med prøvar før russetida er over, legg han til.

I neste veke kårar midtsiden.no beste russebil i Os. Følg med!

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.