Rykker ned likevel

Jubelen på Søre Neset blei kortvarig. Årsak: Dei stilte ikkje til kamp mot Halsnøy.

Jubel etter at Thomas Lindbrg i går sørgja for 1-0-leiing over Os 2. Så rauk sigeren - og no også, viser det seg, plassen i 5. divisjon. (Foto: KVB)
Kjetil Vasby Bruarøy
Kjetil Vasby Bruarøymandag 22. okt. 2012 14:14

Søndag spelte Søre Neset mot Os 2 i siste runde i serien. Heimekampen starta bra for det nedrykkstruga laget, men Os 2 snudde kampen, vann 4-1 og kvalifiserte seg til opprykk til 4. divisjon.

Men sidan Kjøkkelvik, som også var i kamp om å halda seg, spelte uavgjort, såg det ut som om Søre Neset skulle gå vidare på målforskjell.

Men sånn var det ikkje.

Søre Neset stilte nemleg ikkje til kamp mot Halsnøy i vår, og no blir nedrykket avgjort av kven som har spelt flest kampar.

Kjøkkelvik har spelt éin meir og held seg i 5. divisjon medan Søre Neset må ta den sure turen ned i 6. divisjon.

– Eg har ikkje høyrt om dette før, men reglane er visst klare, fortvilar trenar Vidar Bahus.

Svikta i andre bortekamp

Det var 12. mai, då Søre Neset skulle spela sesongens andre bortekamp, at Bahus ikkje hadde mannskap å stilla med.

– Eg hadde berre 8-9 mann som var klare for kamp og måtte dessverre melda avbod.

5. runde blei ståande med 3-0-siger til Halsnøy, men no blir Søre Neset også straffa med nedrykk.

– Vi har stilt med akkurat mannskap i nokre kampar, men her var vi ikkje mange nok. Dette blei ein veldig dyr lærepenge, seier Bahus.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.