Rykte ut på melding om rifleskot
Utanom feststøy og skyting har det vore ein roleg laurdag for politiet.
Laurdag i 22.30-tida på kvelden fekk politiet melding om noko som høyrdes ut som rifleskot.
– Det skal ha vore fleire skot i eit område langs Lepsøyvegen, fortel politibetjent Sindre Lekven Hallem.
Patruljen rykte ut, men då var det ingen på staden.
Tre klagar på støy frå fest
Frå i dag klokka 12 gjeld trinn 3 i gjenopninga, noko som inkluderer slutt på skjenkestopp ved midnatt.
I går var gamle reglar framleis gjeldande. Politiet fortel om mykje folk ute i sentrum likevel, utan at det førte med seg noko å retta opp i.
– Men vi fekk klage på støy frå tre adresser, to i Kuvågen-området og ein på Nore Neset.
– Vi rykte ut på to av dei og hadde telefonkontakt med huseigar på den tredje festen. Alle ser ut til å ha retta seg etter pålegg om å dempa støyen, for det kom ikkje inn fleire klager.
