Saknar du meg?

Ein guttepus har slått seg til ro hos Mette Pettersen i Halhjemsvegen ved Halhjem Kafé. Sidan Mette har to kattar frå før har ho ikkje moglegheiten til å ta vare på han. Han lurar difor på om det er nokon som saknar han.

- Eg får mat og vatn, men vil gjerne inn i varmen av og til... no er det vått ute og snart blir det kaldt også.

- Mette er snill med meg. Eg prøver stadig vekk å snike meg inn i huset, men det blir så mykje bråk utav det.

- Dei to kattejentene som bur der liker meg ikkje noko særleg. Og eg som trudde jenter liker guttar.

- Eg vil jo berre ligge i ein god og varm stol eller eit fang slik som eg er vant til.

- Eg er sort med kvite potar og kvit krage, har halvlang pels og ein tjukk flott hale. Om nokon kjenner meg kan dykk ringa Mette på 900 19 680.