Samanlagt-sølv i vestlandsmeisterskapen

I september sikra ho NM-sølv samanlagt i sin første rallysesong, i helga skulle ho hatt førsteplass samanlagt i vestlandsmeisterskapen.

– I nokre av dei fire VM-løpa har det ikkje vore motstandarar i min klasse, derfor har eg kjørt opp eit nivå. Arrangørane har gløymt å ta omsyn til dette ved utrekning av poeng og vi har ikkje følgt med, men 2. plass er OK det òg, synest Karoline.

Finalen i vestlandsmeisterskapen, smo blei arrangert i Egersund, hadde 8 påmeldte og 7 som starta. Karoline kjørte med rallycross nasjonal, mot kjørarar med opptil 2,4 liter motor, med sin toyota med 1,6 liter.

Likevel blei det 6., 5. og 3. tid - og ein heatsiger på Karoline, som var einaste junior, einaste jente og den med minst krefter under panseret.

– No står eitt løp igjen, klubbmeisterskap på Eikås til helga, fortel Karoline.