Sandspel i solsteiken

Bildeserie:

Full skjerm

1 av 2

Onsdag inviterte Morten Haugland til uformell turnering i sandvolleyball på den nye banen ved Lunde Barneskule.

– Det heile starta som laus prat under Osfest.

– Sundagen sendte eg ut invitasjoner og i dag er vi 20 spelarar fordelt på 10 lag som deltek, fortel Haugland.

Uformelt, med vinnarvilje

Turneringa er av det meir uformelle slaget, men likevel med ein stor grad av vinnarvilje og alvor når spelarane først entra sanda.

– Det er ikkje fritt for det.

– Eg reknar med det kjem til å dra seg litt til når vi kjem til semifinalane og finalen, smiler arrangøren.

Dei ti laga blei delt i to grupper og spela ei innleiande runde. Dei to beste laga i kvar gruppe gjekk vidare til sluttspelet. Kampane blei spelt over eitt sett kor det var om å koma først til 21 poeng.

Nybyrjarar og røynde

Kompetansen og speleerfaringa varierte stort blant deltakarane.

– Blant dei ferskaste er vel Frode Veim Haugland, meir kjent for handbak.

– Han byrja vel å spela for to dagar siden.

– På den andre sida har vi spelarar som spelar aktivt på studentlag, både i Trondheim, eller som eg sjølv gjer i Bodø, forklarar Haugland.

Favorittsiger

Finalen blei ein kamp mellom Håvard Svenning Berge/Eirik Steinbakk på eine sida og Kristin Koldal/Morten Asphaug på motsatt side av nettet.

– Det blei førehandsfavorittane Håvard og Eirik som gjekk av med sigeren 21-16.

– Bronsefinalen blei vunnen av underteikna saman med Andreas Knutsen Håvik.

– Vi slo Mats Lepsøe og Erik Kanestrøm, fortel ein nøgd Morten Haugland.

Blei for varmt

Den nye bana på Søre Neset har vore hyppig brukt igjennom sommaren.

– Eg trur det har vore folk her meist kvar einaste dag.

– Då har vi gjerne spelt med fire og fem spelarar på kvart lag, avhengig av kor mange som har dukka opp.

– Det var vel berre ei veke innsatsen var litt mindre. Det var den veka det var så frykteleg varmt.

– Det blei rett og slett for heitt i sanda, avsluttar Haugland med eit smil.