Sat smilande igjen

Bildeserie:

1 av 10

17. maifeiringa i Os starta med eit folkerikt tog med nye og spennande innslag.

SJÅ VIDEO NEDST I ARTIKKELEN

På Kyrkjeflaten var det også fine innslag, men dessverre slo vêret om og mange storma under tak etter at elevane ved Kuventræ skule, først 7. klasse, så 1. og 2. klasse, hadde gjort unna sine talar og songar.

Mengda med publikum blei redusert frå kanskje nokre tusen, som er normalt, til rundt 100. Desse fekk med seg både musikk ved Os Musikkforening og Os og Kuventræ skulekorps, danseoppvisinga Ghost av elevar frå Os kulturskule og, ikkje minst, dei fine talane til Kim Kristoffersen, Bulent Kartal og Sara Behzadsadeh.

Oseana-direktør Kim Kristoffersen snakka om nasjonaldagen, om førsteinntrykket hans av Os, om Oseana som opnar om ein månad og om Os som turistdestinasjon.

Bulent Kartal frå tyrkiske kurdistan var i si helsing til Osbygda med på å styrka forståinga vår av det å vera takksam for å vera fri. Sjølv kjenner han til det motsette, å frykta for å bli fengsla og torturert, å leva som verdas største statlause folk.

Russepresident Sara Behzadsadeh refererte til fleire kjente norske diktarar og fletta deira bodskap, om vi-dagen og takke-dagen, fint inn talen sin, som var avsluttinga på seremonien på Kyrkjeflaten i Os sentrum.

Les òg:
Dei beste innslaga (med bildeserie frå toget)