Seks på talentsamling
Fem guter og ei jente er teken ut på regional talentsamling i handball. Det første steget på ei mogleg landslagskarriere.

Os Turn har dei seinaste åra fått fram fleire talent i aldersbestemte årsklasser som har tatt stega inn på landslaga. Først ut var Emilie Christensen, etterfulgt av Eva Kristiansen og Anna Bjørke Kallestad.
No får seks nye talent frå handballklubben på Kuventræ sjansen til å visa seg fram på regional talentsamling for spelarar fødd i 1998 og 1999.
– Kanonbra!
– Dette viser at det jobbast veldig godt i dei aldersbestemte laga i klubben.
– Vi har dei seinaste åra blitt ein vesentleg klubb i høve til rekruttering i toppen, seier dagleg leiar Leif Idar Røen.
Vidare til nasjonal samling?
NHF Region Vest har no teke ut Astrid Hilland Lærum, Samson Bjørke Kallestad, Tobias Gade Utne, Kasper Færøvik, Peder Lyssand og Jørgen Engelsen til tre-dagars talentsamling i juni.
Dei fem osingane skal kjempa om sju plassar i jenteklassa og sju plassar i guteklassa på den nasjonale talentsamlinga i Skien i august.