Send oss dine beste bilde
Feirar du 17. mai på båt, plattform, Søfteland eller eit anna land? Del feiringa di med våre lesarar!
Skal du gå i barnetog og vera med på leikar på skulen i krinsen der du bur? Er du ein av dei som sørgjer for at hjula framleis går rundt på jobb i omsorgsyrke, på plattform eller andre stadar?
Feirar du 17. mai med storstilt lunsj med vener og kjente heime eller på restaurant?
La Midtsiden sine lesarar få ta del i dine opplevingar!
Send oss bilde av di feiring på e-post (andris@midtsiden.no) eller som mms (479 06 111).
Vi ønskjer oss Os-bilde frå heile landet – og frå andre plassar i verda. Om du er på Søfteland eller i Hegglandsdalen, i Oslo eller på Bali, send oss dine beste bilde, gjerne saman med ein kort tekst om kor du er og kven du eventuelt er saman med.
Mykje som skjer
Nasjonaldagen blir feira på tradisjonelt vis i Osbygda med musikkforeninga som speler dagen i gang frå Finnebrekka klokka 7 til prosesjon i Os sentrum klokka 11.30 og talar på Kyrkjeflaten og i krinsane.
Os Jazzensemble bles liv i gamle tradisjonar med ettermiddagskonsert på terrassen på Oseana.
Om du får lyst på ein matbete i løpet av dagen, men ikkje vil laga den sjølv, held både kafear og restaurantar ope og fristar med rømmegraut, spekemat og storstilte buffetar.