Sender gjestar til Danmark
Irish Cat planlegger raus bursdagsfest i dag, 10 dagar før 2-årsdagen.
– Det kunne kome meir folk, men blei likevel veldig livleg og vi hadde mange flinke ved mikrofonen.
– Dette er nok noko vi kan gjera fleire gongar, seier barsjef Bjarte Andersen etter at Irish Cat for to veker sidan arrangerte karaoke for første gong.
I kveld står bursdagsfeiring for tur, og Andersen vil senda nokre av gjestane til Danmark.
– Kom tidleg, vinn tur
– Vi snur litt opp-ned på rutinene i kveld. Vanlegvis har vi fri entré fram til midnatt, i kveld sel vi billettar dei to første timane, medan det er gratis inngang etter midnatt.
– Men dei som kjem tidleg og kjøper billett får fleire hyggelege overraskingar, lover Bjarte.
I tillegg er du, på billetten, med i trekninga av ein raus premie.
– Vi har fire billettar til Bergen-Hirtshals å lodda ut. Reisa kan brukast frå januar til mars, lokkar barsjefen.
Trubadur Heine Salbu frå Os står for musikken på bursdagsfesten i kveld.