Set opp heile Messias

Søndag om ei veke blir det to store konsertopplevingar i Nore Neset kyrkje når 120 elevar frå Kongshaug saman med fem solistar skal framføra det udødlege oratoriet Messias av Georg Friedrich Händel.

– Hadde Händel vore mellom oss, så ville han heilt sikkert vore på Nore Neset denne søndagen. Han ville sannsynleg latt seg begeistre over elevane sin framføring av hans udødlege Messias, seier Oddvar Rotvik, rektor ved Kongshaug i ei pressemelding.

Har øvd heile vinteren

Händel brukte ikkje meir enn 24 dagar på å komponere meisterverket. Litt meir tid har elevane brukt på å øve det inn.

– Dei har brukt vinteren på å øva det inn. Å oppleve dette gamle verket, framført av ungdommane frå Kongshaug, høyrer til sjeldenhetene. Musikken har mange et nært forhold til. Tekstane er uslitelege. Og når dette blir formidla med ungdommeleg energi og entusiasme, kan møte mellom tid og evighet, jord og himme finne stad, seier Rotvik.

Saman med elevane er solistane Harald Børkøy (tenor), Arne Pareli (bass), Ole Strøm (bass), Grethe-Inger Berge (sopran) og Ingrid Grøvan (sporan).