Sport | 02. juni 2010

Siger til Solibakke

Kåre gjorde «comeback» - og vann!

Siger til Solibakke
Kjetil Vasby Bruarøy
Kjetil Vasby Bruarøyonsdag 02. juni 2010 22:08

Godemine var suveren i den den svake vinden seglarane kjempa i då det sjette av vårens ti trimmingsseglas gjekk av stabelen tysdag kveld.

- Det var kjekt å sjå Kåre Perry Solibakke tilbake på fjorden, i sin Comfortina 32 ”Godemine” blei han som mange gongar før heilt suveren i den svake vinden vi hadde etter runding, skriv Svein Skoglund frå regattakomiteen i sin rapport.

Piano var denne gong startbåt og valte eit løp frå start i Strøneosen til babord runding Lille Laugarøy og tilbake til mål i Strøneosen (6,4 nm).

Vinden sto fint frå vest ved start og seglarane hadde sol frå nesten skyfri himmel. Det var meldt 3–2 m/s, men vinden var over 6 m/s ved start og heldt seg fint nesten til runding Lille Laugarøy.

I minste klasse tok Ina Kristine leiinga tett følgt av Tina for II. Lengre bak heldt Godemine og dei andre båtane fint følgje.

Ina Kristine og Tina for II veksla om å ha leiinga for kvart slag oppover mot runding, på siste slaget inn til runding klarte Ina Kristine å få eit lite forsprang og runda først av dei to.

Aller først runda Kjetil Eriksen Katamaranen Oseania med heile 1.46 i lystal. Han starta 5 minutt etter i største klasse.

Dei første båtane la kursen søraust over i fjorden for så å kunna skjera inn mot mål. Vinden minka fort utover på fjorden og det blei vanskeleg å få fylt spinnakarane.

Båtane lengre bak observerte dette og valte å kryssa fjorden nordaustover mot Skorpo, og så segla langs land til mål. Dette var nok eit sjakktrekk, spesielt for Godemine, som fanga mest vind og dermed kunne segla inn til siger i både minste klasse og overall.

Bak i minste klasse kom Ina Kristine og Tina for II. Begge prøvde å finna den beste vegen mot mål, ein kamp Ina Kristine vann med 6 sekund.

I største klasse valte også Marlin den nordaustlege kursen og vann på dette. Ikkje langt bak kom Stella og Silje Marie.

Først i mål var sjølvsagt Oseania, som måtte ligga nesten 10 minutt og venta for å ta tida på neste båt. Med sitt høge lystal heldt det berre til 5. plass i største klasse.

Etter målgang forsvann vinden nesten heilt, og mannskapa kunne nyta kaffi, bollar og kjeks i kveldssola på veg heim.

Klasse lys .o.m. 1.20:
Nr. 1. ”Godemine” (lys 1.14), Kåre Perry Solibakke, tid 1:46:18 og 1. Pl. Over all.
Nr. 2. ” Ina Kristine” ( Lys 1.16), Janet Lepsøy, tid 1:50:00 og 3. Pl. Over all.
Nr. 3. ”Tina for II” (Lys 1.16), Svein Skoglund, tid 1:50:06 og 4. Pl. Over all.

Klasse lys f.o.m. 1.21:
Nr. 1. ”Marlin” (Lys 1.29), Hermod Opstvedt, tid 1:48:06 og 2. Pl. Over all.
Nr. 2. ”Stella” (Lys 1.29), Terje Rønning Eltvik, tid 1:50:41 og 5. Pl. Over all.
Nr. 3. ”Silje Marie” (Lys 1.25), Magne Lepsøy, tid 1:50:58 og 6. Pl. Over all.

Samanlagt overall for vårens trimmingsseglas leiar framleis Tina for II med 18 poeng før Marlin med 31 poeng, Piano med 32 poeng og Ina Kristine 33 poeng.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.