Sikra båt i stri elv
Nedbørsmengdene som kom i går pregar Oselvo i dag.
Det var gult farevarsel til tysdag, og dagen fekk eit jamt sig med mykje nedbør.
I Lysefjorden rann bekken forbi kloster-ruinane høgt, i Åsen rann vatnet over vegen.
– Vi hadde inga utrykking i samband med nedbørsmengdene i går, men dagens melding har nok med høg vassføring å gjera, seier Gitle Smaadal frå Bjørnafjorden brann og redning.
Brannvesenet fekk melding om ein båt som låg lågt ved eitt av nausta ovanfor pirane i Oselvo.
Med fjære sjø blei vegen for ei høg elv noko brattare ned til fjorden, og den strie elva har truleg kome inn opninga til sjølvlensen.
– Vi vågar ikkje lausna båten så stri som elva er no, men sikrar den med tau. Det beste ville vore å fått vinsja den inn i naustet. Vi er òg i dialog med eigar.
To venar av båteigar kom til staden då brannvesenet skulle til å gå. Dei tar hand om båten vidare.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.