Sikra ikkje ungen
Ein bilførar på Søfteland fekk forenkla forelegg for ikkje å ha sikra 4-åringen tilstrekkeleg.
Politiet gjennomførde i 17-tida onsdag ein trafikkontroll på Søfteland.
- 45 bilar blei kontrollerte og det blei utstedt eitt forenkla forelegg, fortel politiførstebetjent Audun Hadler-Olsen.
- Forelegget blei ilagt ein bilførar som ikkje hadde sikra fireåringen sin i henhald til reglane.
Dette seier lova:
Det er påboden å sikra barn i bil. Barn som er under 135 cm høge skal alltid bruka godkjent barnesikringsutstyr som er riktig i høve barnet si vekt.
Barn mellom 135 og 150 cm skal nytta godkjent barnesikringsutstyr om slik utstyr er tilgjengeleg i bilen. Regla gjeld for barn under 36 kilo, etter dette skal både barn og vaksne sikrast med bilbelte.
Barn skal ikkje transporterast i bakovervendt barnestol i forsete der det er kollisjonspute. Unnantaket er om kollisjonsputa er deaktivert manuelt eller automatisk. Når ein brukar bilbarnestol er det påboden å ha den bakovervendt til barnet blir 9 kilo.
(Kjelde: Trygg Trafikk)