Sjekka ferjetrafikken

Før helga har politiet tømt ut alkohol som dei har tatt frå folk som har venta på ferja til Våge, søndag morgon sto politiet i Os på Halhjem igjen, denne gong for å sjå at bilistane på veg heim frå festival ikkje kjørte med promille.

– Alle har tilno vore edrue. I alle fall dei som sit bak rattet, seier politibetjent Kenneth Rastad nøgd.

43 bilistar på veg av 8.40-ferja blei kontrollert på ferjekaien, det gav berre éin reaksjon, eit gebyr for ikkje å ha med seg førarkort.

Politiet heldt fram kontrollen, men flytta seg lengre nord på Halhjemsvegen, og kontrollerte 15 til, også dei med alt på stell.