Lokal | 04. nov. 2009

Sjuk i soppfri skule

I mai blei ein bygning på Os skule stengt grunna sopp. Elevane har framleis symptom på opphald i dårleg inneklima, men skulen skal vera soppfri.

Sjuk i soppfri skule
Kjetil Vasby Bruarøy
Kjetil Vasby Bruarøyonsdag 04. nov. 2009 10:37

- Rapporten viser at det er dokumentert dårleg innemiljø grunna sopp, sa rektor Anne Fossberg Fristad til Midtsiden.no i mai.

Den eine skulebygningen blei stengt og elevane som brukte bygningen flytta til bibliotek og musikkrom for å få undervising fram til sommarferien.

I haust blei den stengte skulebygningen tatt i bruk igjen, og symptoma frå elevane dukka opp på ny. Men selskapet som har kontrollert Os skule, Anticimex, seier skulen er fri for sopp.

Støy eller stress?
Os kommune har fått melding om urolege foreldre. Fleire av elevane ved skulen slit med hovudverk, utslett eller andre plager som kan vera symptom på at skulen har dprleg inneklima. Saka blei drøfta i formannskapet i går.

Ifølgje Os & Fusaposten påpeikte Norvald Skåtøy (Ap) at ei rekkje faktorar kunne verka inn på slike plager. Støy, lys, mellommenneskelege forhold og stress. Han etterlyste ein standardisert prosedyre for å friskmelda ein bygning, slik at ein i alle fall kunne utelukka fysiske forhold som årsak til helseplager.

Vidare prosess
Situasjonen på Os skule sto ikkje på sakslista til gårsdagens møte, men blei tatt opp til diskusjon av varaordførar Børge Lunde.

- Blei det bestemt å gjera nye tiltak under møtet i går?

- Nei. Skulen er sjekka, ikkje berre for sopp, men for ei rekkje andre ting. Og Anticimex har friskmeldt den.

- Men kommunen følgjer prosessen vidare, ut frå korleis det utviklar seg på skulen, seier Børge Lunde til Midtsiden.no.


Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.