Skadd i frontkollisjon
Ein mann er frakta til sjukehus etter frontkollisjon på Hetleflåten måndag formiddag.


Klokka 10.35 rykte ambulanse, brannvesen og politi ut til frontkollisjon på Hetleflåten.
- Ein mann i 70-åra er frakta med ambulanse til sjukehus for sjekk. Ei kvinne i 30-åra blir undersøkt av lokal lege, opplyser Thomas Juulsteth frå Os lensmannskontor.
Mannen var bevisst og er truleg lettare skadd, men blei tatt frå bilen til ambulansen på båre. Brannvesenet måtte hjelpa til for å få mannen ut av vraket, då han sat delvis fastklemt.
Det er ikkje mistanke om verken høg fart eller promille.
Mista kontrollen
Mannen kjørte ein kvit Toyota i retning Os då han mista kontrollen på bilen og kom over i feil kjørefelt.
Kvinna i blå Mitsubishi skal ifølgje vitne ha bremsa opp då ho såg at det gjekk gale, så farten var låg då bilane støytte saman.
Begge bilane blei frakta vekk av Os Bilberging. Det blei opna for trafikk igjen om lag klokka 11.30.