Skadeverk på båt
Siste døgeret har politiet fått melding om skadeverk på båt i Oselvo og hatt trafikkkontroll i Lysefjorden.
- Vi fekk inn ei melding mandag om skadeverk på ein båt som ligg til kai i Oselvo, fortel politioverbetjent Terje Sperrevik.
Flytta fleire gonger
Båten har, ifølge meldar, vore flytta på fleire gonger i tillegg til at den har fått skader.
- Det skal ha vore diskusjon om båten har rett eller ikkje rett til å ligga der den ligg, seier Sperrevik.
- Meldar kjem inn til politiet i dag for å følge opp saken.
Politiet fekk òg melding om to skudd som skal ha blitt avfyrt i skogen ved Gymnasvegen.
Kontroll i Lysefjorden
I ni tida mandag kveld hadde politiet trafikkkontroll på Lyseklostervegen.
- Vi kontrollerte 29 bilar den tida vi var der, men vi hadde ikkje noko å utsetja på dei, fortel Sperrevik.