Skal det vera ein bajonett?
Mopedar, veteranbilar og hus og heim: Laurdag er det 10 timar med Ulvenmarknaden i Kolskogen.
Det går mot ei livleg helg i Os med blant anna revyen Smørjo på Nore Neset, blues med Frigaard på Peppes fredagen, Vårslepp i Os sentrum og avslutting på filmfestivalen 60 grader Nord i Oseana laurdagen og bygdekino søndagen.
Laurdag er det også tid for årets Ulvenmarknaden.
Sjå bildeserie frå marknaden i 2011
– Vi ventar som vanleg storinnrykk både av utstillarar som har ting å selja og av veteranbilklubbar som legg turen om Os for å stilla ut bilane i nokre timar, seier leiar i Os Skysslag, Gustav Bahus.
I fjor fekk marknaden strålande vêr og mykje besøk, både av folkevognklubb i Bergen, veteranbilklubbar i Hardanger og av samlarar og andre bilinteresserte som reiste endå lengre for å koma til Os og stilla ut gamle, brukte ting andre kanskje hadde bruk for eller lyst på.
– Alt er gratis, både å stilla ut og å koma inn. For mange samlarar er dette høgdepunktet, og det er utruleg kor god hjelp mange får, for eksempel når dei finn delar til veteranbilane sine eller ein heil delemoped for mc-entusiastar.
Det einaste skysslaget tener på under arrangementet er sal av vaflar og kaffi.
– Til gjengjeld går det unna mange lite vaffelrøre, ler Gustav.