Lokal | 23. sep. 2020

Skal kartlegge viktige vegstrekningar for næringslivet

Planprogrammet har vore på høyring, og innspel frå kommunar og andre er tatt med.

Skal kartlegge viktige vegstrekningar for næringslivet
Lepsøyvegen. Foto: Kjetil Vasby Bruarøy
Ørjan Håland
Ørjan Hålandonsdag 23. sep. 2020 08:26

Kollektivtrafikk på sjø og viktige strekningar for næringslivet i fylket er no med som tema i planprogrammet for den første regionale transportplanen for Vestland fylke.

Regional transportplan (RTP) 2022-2033 for Vestland fylke er den strategiske planen for utviklinga av samferdslesektoren i fylket. 17. september vedtok fylkesutvalet planprogrammet - planen for planen.

Viktige innspel kom med

Planprogrammet til RTP har vore på høyring i fylket, og no har høyringsinnspel frå organisasjonar, kommunar og andre gitt fire tilføringar som planprogrammet tek med seg vidare. Den første er at RTP skal kartlegge viktige strekningar for næringslivet i Vestland.

– Når eg reiser rundt i fylket er dette noko av det eg alltid blir møtt med, kor viktig det er med infrastruktur rundt næringslivet vårt. Det er vesentleg for å sikre busetnad i fylket, seier fylkesordførar Jon Askeland.

Planprogrammet er delt inn i fem hovudtema, som er fylkesvegnettet, mobilitet, kollektivtransport, finansiering og nasjonale ansvarsområde. No er også kollektivtransport på sjø, meir veg for pengane og strategiar for massehandtering tema som er med.

Ulvenvegen. Foto: Kjetil Vasby Bruarøy
Ulvenvegen. Foto: Kjetil Vasby Bruarøy

Meir veg for pengane

RTP skal sjå på korleis Vestland fylkeskommune kan sikre meir veg for pengane gjennom å fastsette standardkrav og kontraktsformer. Gjennom RTP 2022-2033 skal fylkeskommunen sikre ein trygg, berekraftig og nyskapande transportsektor i Vestland. Planen blir vedtatt i fylkestinget i desember 2021.

– Vi har no eit program for planen som vi er godt nøgde med, og vi skal ha ein god prosess fram til eit levande plandokument for samferdslesektoren i fylket.

– Og det blir nye høve til medverknad allereie over nyttår, seier Askeland.

Det blir innspelsmøte til planen rundt om i fylket i januar og februar neste år, og eit planutkast blir sendt på høyring i juni 2021 med nye innspelsmøte hausten 2021.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.