Skal kartleggja trafikken i sentrum
Køyrer du inn i Os sentrum denne veka kan det vera at du får eit smil imot deg.
Bildeserie:
Førstekonsulent hos Teknisk drift samferdsel, Elisabeth Thomassen, fortel at målet er å få kartlagd trafikkbiletet i Os sentrum.
– Vi har satt opp fire teljepunkt; i Landboden, Brugata, Øyro og ved bommen framfor rådhuset. Boksane tel køyretøy som køyrer inn, og køyretøy som køyrer ut.
Thomassen fortel at boksane i tillegg måler hastighet, men at dette sjølvsagt ikkje er ein fartskontroll.
– Desse fire punkta er kun til registrering av køyremønster og køyrevanar, og målingane vil vara til fredag.
Smil!
Thomasssen fortel vidare at boksane er programmerbare til å måla det meste, og dei kan òg gje bilistane ei tilbakemelding på korleis dei køyrer.
– Køyrer du inn i sentrum via Landboden, vil du få ei påminning om kva fartsgrensa er. Held du deg innafor, vil du bli honorert med eit smilefjes og informasjon om kor fort du køyrer.
– Ligg du over grensa, vert du straffa med eit surefjes. Ikkje verre enn det, men det kan jo vera greitt å bli minna på fartsgrensa, seier Thomasssen.
Og om du lurte, så er fartsgrensa i Os sentrum 30 km/t.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.