Lokal | 20. nov. 2018

Skal sjå Carlsen på storskjerm

Trudde du det var berre fotball som gjekk på storskjerm? På torsdag vert det sjakk på Hanne’s.

Skal sjå Carlsen på storskjerm
Torsdag kan sjå sjakk på storskjerm og læra sporten av desse to. Daniel Skotheim (t.v) og Kay Even Hægland inviterer til VM-treff på Hanne's. (Foto: Kjetil Osablod Grønvigh)
Kjetil Osablod Grønvigh
Kjetil Osablod Grønvightirsdag 20. nov. 2018 12:24

Bildeserie:

– Sjakk er god hjernetrim. (Foto: KOG)
– Sjakk er god hjernetrim. (Foto: KOG)
Ikkje forvent sjakk-hooligans på torsdag. (Foto: KOG)
Ikkje forvent sjakk-hooligans på torsdag. (Foto: KOG)
1 av 2
– Sjakk er god hjernetrim. (Foto: KOG)
Ikkje forvent sjakk-hooligans på torsdag. (Foto: KOG)

Våren 2017 gjekk Kay Even Hægland, Daniel Skotheim og Dmytro Ostanin saman om å starta sjakklubb i Os.

Os Sjakklubb er natuleg nok i høgspenning om dagen når Magnus Carlsen spelar VM i London.

Kay Even Hægland og Daniel Skotheim frå Os Sjakk fortel at dei har samarbeida med Hanne's konditori og musikkbar tidlegare, og då ideen om å sjå det 10. partiet mellom Carlsen og og Caruana på storskjerm, heiv konditoriet seg på utan å blunka.

Vil samla miljøet

Skotheim fortel at målet med storskjerm-samlinga er å samla sjakkinteresserte osingar.

– I staden for at vi sit heime og koser oss med spanande sakte-tv kvar for oss, kan vi no samlast framfor ein endå større skjerm.

Hægland legg til at ein ikkje treng spela sjakk for å få glede av torsdagens samling på Hanne’s.

– Vi kjem til å setja ut ein del spelebrett slik at dei som har lyst å spela sjølv, eller kanskje har lyst å læra seg sjakk kan få prøva det. Klubben i Os sit på god kompetanse, og vi har sjølvsagt plass til fleire medlemmer.

Med fare for tilrop

– Ein kan kanskje ikkje sjå for seg at det vert det mest høglytte publikummet på torsdag, om ein samanliknar sjakk på storskjerm versus ein fotballkamp. Er det fare for tillaup til kjefting mot skjermen, om Carlsen til dømes gjer eit dårleg trekk, eller Caruana utspeler Carlsen?

– Det kjem ikkje sjakk-hooligans, det er vi sikker på, seier Skotheim. Men at vi vert engasjerte undervegs, det garanterer eg.

– Mykje av spaninga ligg i «kva gjer han no?»

Sjakk er ein sport

– Sjølv om sjakk ikkje inneber så mykje bevegelse, er det rekna som ein sport. Kva er sjakk bra for - og kven bør vurdera sjakk?

– Sjakk er hjernetrim av beste sort, fortel Skotheim. Forskning syner at sjakk i ung alder er bra for barns kognitive utvikling.

– Her må vi faktisk få lov til å skryta av Os barneskule, skyt Hægland inn. Dei speler mykje sjakk på skulen, og dei har arrangert fleire turneringar dei siste åra.

Skotheim og Hægland fortel at ein ikkje treng vera ekstra smart for å spela sjakk.

– Reglane er ikkje så vanskelege som mange trur. Vil du ha tunge reglar, så byrjar du heller med cricket.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.