Skal synga med Riksteateret

Tysdag og onsdag speler Riksteateret tre utselde framsyninger av det kjente og kjære Torbjørn Egner-stykket «Folk og røvere i Kardemomme by». Med på scene står fire lokale osingar.

– Riksteateret tok kontakt og lurte på om vi hadde fire ungdommar som kunne vera med, fortel Stine Kobbeltvedt, for anledningen instruktør for dei fire på øving i Oseana.

Dei fire, Ada Gulbrandsøy, Elias Kobbeltvedt, Selma Hjelle Salbu og Alida Jacobsen Lyssand, går frå 4. til 6. klasse og har alle litt sceneerfaring frå før, anten med «Fjøsnissen Borg» eller i «Stjerneteller»-koret til Christine Sandtorv.

– Vi skal vera barn i Kardemomme by, fortel dei fire då Midtsiden møter dei på øving fredag ettermiddag.

Stor stas

Dei legg ikkje skjul på at det er stas å skulle spele saman med proffe skodespelarar frå Riksteateret.

– Vi skal vera med å synga på ni sanger, mellomanna Sjørøversangen og Kardemommeby-sangen. I tillegg har vi eindel bevegelsar vi skal gjera til dei ulike sangene og scenene vi skal vera med i.

– I Trikkefører Syversen sin sang skal vi sitte i trikken når den køyrer ut av scenen, forklarar dei entusiastisk.

– Også skal vi dela ut flagg og hilse på politimester Bastian.

– Med så mange sangar og ting de skal passe på. Har de kontroll?

– Ja, vi kan alle sangane, svarar dei med overbevisning.

Skal opptre for klassen

«Folk og røvere i Kardemomme by» blir spelt tysdag kveld, onsdag formiddag og onsdag kveld. Til framsyninga onsdag formiddag er 4. klassene i Os spesielt invitert.

– Den framsyninga blir litt ekstra for Selma og Ada for då kjem klassen deiera for å sjå på, skyt Stine Kobbeltvedt inn.

– Men det går heilt fint. Vi elsker å stå på scene, det er så gøy, skyt dei to raskt inn. Ein anna fordel med å skulle spelar med Riksteateret er at dei får fri frå skulen ein heil dag.

– Det gjer ingenting det, men det viktigaste er at vi får stå på scenen med dei. Vi blei veldig glad då vi blei spurt om vi hadde lyst, avsluttar dei fire før «Kardemomme by»-sangen på ny rungar i lokalet.