Skar over i feil felt
Ein varebil hamna i både autovernet og i ein bil som kom i motgåande retning ved Svegatjørn onsdag ettermiddag. (Oppdatert versjon)


Cirka klokka 17.10 kolliderte to bilar på E39 ved Svegatjørn. Ingen personar er skadd.
- Varebilen skar over i motsett kjørefelt og hamna i autovernet. Volvoen som kom imot la seg heilt ut for å unngå samanstøyt, men fekk skrapt opp sida på bilen likevel, seier kvinna som kjørte i bilen bak Hiace-en.
Vegen var stengt i rundt ein time etter kollisjonen.
- Føraren av varebilen forklarte at han hadde prøvd å få tak i ein gjenstand på golvet, og derfor mista kontroll på bilen.
- Det er ikkje mistanke om høg fart, promille eller sovning bak rattet, sier Trond Valvik frå utrykkingspolitiet.