Skåra fem mål på éin omgang
Nok ein 5-0-kamp, nok eit steg nærmare tabelltopp.
Lysekloster vann i dag sin fjerde kamp på rad, og 3 av dei 4 kampane har enda 5-0.
Men i mot tidlegare lagkameratar, Tommy Gaustad og Tshizang'S Kapinga Brazy på Tertnes, tok det tid å få ballen i mål.
– Vi skapte nok til å ta leiinga tidlegare, men første omgang var kanskje ikkje våre beste 45 minutt i år, seier trenar Ruben Hetlevik.
Til pause sto det 0-0. Første skåring kom i 66. minutt.
– Vi fekk justert eit par ting i pausen, og sjølv om Tertnes prøvde å få tempoet ned, kom det seg meir og meir.
Lysekloster - Tertnes 5-0 (0-0)
Målskårarar: Even Vetås, Sigve Rørstad, Willy Zamble, Szymon Walczak og Eskild Båsen.
Tropp og kampfakta på fotball.no
To forsvarsspelarar med nettkjenning
Eirik Rode måtte ut med skade og skal til sjekk i morgon. Elles ser det ganske bra ut i stallen til Lysekloster.
– Sigve er tilbake, og hadde ein veldig god kamp, seier Ruben om 2-0-skåraren.
– Generelt synest eg at det offensive sit betre og betre. Vi har i snitt 20-30 skot på mål i kvar kamp, og effektiviteten har auka. Vi har og eit breidt repertoar, noko vi ser når to frå forsvarsrekka (Sigve og Szymon) i dag står på skåringslista.
Tre poeng bak Sotra
Sotra spelte i går uavgjort 1-1 borte mot Vardeneset, og luka ned til Lysekloster har krympa frå 5 til 3 poeng.
Lysekloster speler borte mot Brodd i neste runde, så ventar toppoppgjer heime mot nettopp Sotra.
Toppkampen går laurdag 29. september.
• Tabell
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.