Steffen Kvamsdal, her i treningskamp for A-laget til Os mot Varegg (2-2) i førre veke. (Foto: Kjetil Vasby Bruarøy)

Skåra to og fekk raudt kort

Alle ungdomslaga frå Osbygda rauk i NM-kvalik: Steffen Kvamsdal blei sentral i Os junior sin kamp mot Fana, der to frå Os blei utvist.

Av: Kjetil Vasby Bruarøy

Os spelte i går NM-kvalifisering mot Fana.

– Dei stilte sterkare enn dei var i serien i fjor, men eg følte vi styrte mesteparten av kampen, seier Os-spelar Steffen Kvamsdal.

Kvamsdal gav Os leiinga i 10. minutt og utlikna til 2-2 rett før pause.

Fana si 1-2-skåring kom på straffe.

To frå Os utvist etter pause

I 74. minutt Kvamsdal direkte raudt kort og blei Os sin andre utviste spelar i kampen.

Frå før, seks minutt etter pause, hadde Trym Hjørnevik fått sitt andre gule og måtte av banen.

– Det var ikkje ein spesielt stygg kamp, men mitt raude kort var etter ei takling midt på banen, og taklinga var nok litt farga av at eg var frustrert over at vi ikkje hadde fått frispark etter to situasjonar rett før, innrømmer Kvamsdal etter å ha fått sitt første raude kort i karriera.

Spelte mot junior-Kvile og 1,5 osing

Kampen enda med 2-3-siger til Fana.

• Sjå kampfakta på fotball.no.

Matchvinnar blei Martin Færøy Müller, som har mor frå Os. Han sette inn 2-3 til Fana leiinga i 57. minutt.

På Fana speler òg tidlegare Os-spelar Tobias B. Nøss, og son til Karl Kvile, hovudtrenar for Os sitt A-lag, Sigurd Kvile. Han skal nyleg ha kome tilbake etter kneskade/schlatters.

NM-håpet ute for 4 av 4 frå Osbygda

Os G19 er ikkje det einaste laget frå Os kommune som har prøvd å kvalifisera seg til årets NM.

• Nore Neset (Lysekoster/Nore Neset, men i NM kan du ikkje stå som samarbeidsklubb) G19 tapte 5-0 borte for Fyllingsdalen.

• Os G16 tapte 2-3 heime for Bergen Nord

• Nore Neset J16 tapte 2-3 heime for Stord.

 

Fleire saker