Skjerpa beredskap som følgje av tørke

Os kommune har framleis god tilgang på vatn, og dei fleste innbygjarne i kommunen, som er knytt til den offentlege vassforsyninga, treng ikkje uroe seg.

- Vi har imidlertid nokre innbygjarar som har private brønnar, og som følgje av den tørre våren og sommeren har fleire av desse no gått tom, uttalar brannsjef, Stein Gjøsund i ei pressemelding publisert på brannvesenet si facebookside.

Os kommune kan organisere vannkøyring med tankbil til innbyggjarane dersom det er behov. Det vil bli sendt faktura for denne tenesta.

Moglegheit for henting av vatn

Os kommune har 2 vasspostar der ein kan hente ut vatn i kanner eller anna. Den eine er plassert ved innkøyringa til byggjefeltet, «Gåssakilen» ved Storestraumen på Søfteland. Den andre vassposten er plassert i Ådnadalen like ved innkøyringa til steinknuseverket og Lidl-tomta.

Ved vasspostane kan privatpersonar hente vatn til eiga hushald.

I tilegg til vasspostane er det mogleg å få fyllt vatn ved Os brannstasjon, Mobergsbakken 111, kvardager frå kl 0730 – 1530.

- Det er no kommunen sin viktigste oppgåve å sikre liv og helse for mennesker og dyr i ein situasjon der ein ikkje lenger har tilgang på vatn, seier brannsjefen.

– Heimebaserte tenester held oppsyn med sine brukarar, og vil melda frå til oss i brannvesenet dersom nokon ikkje lenger har tilgang på vatn.

Øvrige innbyggjarar som treng vatn og som av helsemessige årsaker ikkje er i stand til hente dette sjølv, kan ta kontakt med Os kommune eller brannvesenet sin vakttelefon.