Skrekkeksempel

Kjetil Vasby Bruarøytirsdag 18. aug. 2009 07:58

Ein lastebilsjåfør risikerer å bli fotgjengar etter episoden på Søfteland tysdag morgon.

- Desse dagane rundt skulestart har vi som vanleg patruljar ute ved skulane. I dag tok dei ein lastebilsjåfør i å kjøra på raudt lys, fortel lensmann Rasmus Dalen.

Politiet noterte nummeret på bilen, og har snakka med sjåføren.

- Episoden blir meldt. Det blir vurdert førarkortbeslag, opplyser Dalen.

- Heldigvis oppsto det ikkje nokon kritisk situasjon, men det kan vi i hovudsak takka vakne og godt førebudde ungar for. Dei fekk grønt lys, men gjekk ikkje ut i vegen før dei hadde sjekka at bilane stoppa, fortel lensmannen.

Det at fotgjengarane hadde fått grønt lys betyr også at lastebilen ikkje kjørte på gult, men knallraudt lys.