- Skremmande!

Bildeserie:

1 av 2

Onsdag fekk elevane ved Søfteland skule beskjed om at skulen ville halda stengt torsdag og fredag grunna trugsmål.

- Det var nokre elevar som jubla då dei fekk høyra at skulen skulle stenga, men dei blei fort stille då dei fekk høyra årsaka, fortel Daniel.

Elevene fekk beskjed klassevis, og Halhjem sin klasse fekk beskjed klokka 13.30, kort tid før skuledagen var over.

Ser ikkje for seg kven
På spørsmål om korleis elevane snakkar om trugsmålet seier Daniel at dei i grunnen ikkje pratar så mykje om det.

- De driv ikkje å spekulerar i kven som kan stå bak?

- Nei, og eg trur ikkje nokon ser for seg at elevar ved skulen kan stå bak eit alvorleg trugsmål.

På øving
Eleven seier han føler seg trygg, men at han er glad for at han ikkje må vera på skulen medan den er truga.

- Kva skal du gjera på desse fridagane?

- Eg er med i eit band, saman med nokre klassekameratar, så no klokka 10 skal vi på øving i rockeklubben sine lokale på Kuventræ.

- Du synes ikkje de burde fått undervising i eit anna lokale medan skulen er stengt?

- He, he. Nei, eigentleg ikkje.